බාලදක්ෂ ව්‍යාපාරයේ නිර්මාතෘ රොබට් බේඩන් පවෙල් සාමිවරයා විසින් ලෝක බාලදක්ෂ ජම්බෝරිය තරුණයින් අතර ජාත්‍යන්තර මිත්‍රත්වය සහ අවබෝධය ප්‍රවර්ධනය කිරීම සඳහා ගෝලීය රැස්වීමක් ලෙස සංකල්පනය කරන ලදී.
සමාරම්භක උත්සවය 1920 දී ලන්ඩනයේ ඔලිම්පියාහිදී සිදු වූ අතර, විවිධ රටවල බාලදක්ෂයින් ක්‍රියාකාරකම්වල යෙදීමට, අත්දැකීම් බෙදාහදා ගැනීමට සහ ගෝලීය සුහදත්වය පිළිබඳ හැඟීමක් පෝෂණය කිරීමට එක් විය. බේඩන්-පවෙල් තුමා ජම්බෝරියන් අපේක්ෂා කළේ විවිධ පසුබිම්වලින් පැමිණි තරුණ තරුණියන් සාමය, සහයෝගීතාවය සහ අන්‍යෝන්‍ය ගෞරවය වැළඳ ගැනීමට ඔවුන්ව දිරිමත් කිරීමේ මාර්ගයක් ලෙසය. මෙම උත්සවය එතැන් සිට ලොව පුරා විවිධ ස්ථානවල සෑම වසර හතරකට වරක් පවත්වනු ලබන බාලදක්ෂ සම්ප්‍රදායේ ප්‍රධාන අංගයක් බවට පත්ව ඇත, ලොව පුරා සිටින තරුණ බාලදක්ෂයින් දිරිගැන්වීම සහ සම්බන්ධ කිරීම දිගටම කරගෙන යයි.
ලෝක බාලදක්ෂ ජම්බෝරී සහ මුද්දරය අතර සබැදියාව 1933 වර්ෂය දක්වා ඈතට විහිදී යයි. 1920 දී ලොව පලමු ලෝක බාලදක්ෂ ජම්බෝරිය තිබුනද, එහිදී හෝ 1924 හා 1929 වර්ෂ වල පැවති ලෝක බාලදක්ෂ ජම්බෝරී වලදී ද මුද්දර නිකුත් කිරීමක් සිදු නොවූ අතර, 1929 දී එංගලන්තයේ පැවති තුන්වන ජම්බෝරියේදී විශේෂ අවලංගු කිරීමේ මුද්‍රාවක් හා තැපැල්පත් කිහිපයක් නිකුත් කරන ලදී.
ඒ අනුව 1933 දී හංගේරියාවේ පැවති හතරවන ලෝක ජම්බෝරියේදී පලමු වරට මුද්දර එකතුවක් නිකුත් කල අතර එයට මුද්දර පහක් ඇතුලත් විය. මෙලෙස ආරම්භ වූ මුද්දර නිකුත් කිරීම, ඉන් පසු පැවති සියලු ලෝක බාලදක්ෂ ජම්බෝරි වල අනිවාර්යය අංගයක් විය. ඒ අනුව මුල් දින කවර, තැපැල් පත්, සමරු කවර වැනි මුද්දර සමග බැදි විවිධ අංග ඇතුලත් වූ අතර, එය මුද්දර එකතු කරන්නන් අතර ඔවුන් එකතු කිරීමට ආශා කරන තවත් තේමාවක් ලෙස ලෝක බාලදක්ෂ ජම්බෝරී සදහා නිකුත් වූ ආයිතම ප්‍රචලිත විය.
